1 Janova 1

את אשר היה מראש אשר שמענו ובעינינו ראינו אשר הבטנו ואשר מששו ידינו על־דבר החיים׃

והחיים נגלו ונרא ומעידים אנחנו ומודיעים לכם את־חיי העולם אשר היו עם־האב ונגלו לנו׃

את אשר ראינו ושמענו נודיעה לכם למען תתחברו לנו גם־אתם והתחברותנו היא עם־האב ועם־בנו ישוע המשיח׃

ואת־זאת כתבים אנחנו לכם למען תהיה שמחתכם שלמה׃

וזאת היא השמועה אשר שמענו ממנו ונגד לכם כי האלהים אור הוא וכל־חשך אין בו׃

אם־נאמר כי יש־לנו התחברות עמו ונתהלך בחשך הננו כזבים ופעלתנו איננה אמת׃

אך אם־באור נלך כאשר הוא באור הנה נתחברנו יחד ודם־ישוע המשיח בנו יטהרנו מכל־חטא׃

אם־נאמר כי אין־בנו חטא הננו מתעים את־נפשתינו והאמת אין בנו׃

ואם־נתודה את־חטאתינו נאמן הוא וצדיק לסלח לנו את־חטאתינו ולטהרנו מכל־עון׃

ואם־נאמר כי לא חטאנו לכזב נשימנו ודברו אין בנו׃